💁‍♂ *परीक्षा तर संपली, पुढे काय?*

💁‍♂ *परीक्षा तर संपली, पुढे काय?*

परीक्षा संपली कि, दीर्घ सुट्टीत काही ना काही करायला हवे. जर तुम्ही अजूनही ठरविले नसेल तर वेळ गेलेली नाही. या सुट्टीत काय-काय करता येऊ शकते? त्याचे काही पर्याय आम्ही घेऊन आलो आहोत. एक नजर त्यावर... 

1) *छंद जोपासा* : विशेषतः छंद विकसित करण्यासाठी ही सुट्टी घालवा. घरातल्यांना समजून सांगा मी अमुक छंद जोपासणार आहे. त्यासाठी लागणारा कालावधी, पैसा किती खर्च येणार ते हि सांगा. शिका, पण वेळ वाया घालवू नका.

2) *नवीन काही तरी शिका* : यंदा सुट्टीत नवीन गोष्टी शिकण्यासाठी नियोजन करा. उदा. चित्रकला, पोहणे, पर्यटन, संग्रह करणे, ऐतिहासिक स्थळांना भेटी देणे, भरतकाम, विणकाम, मातीकाम, कास्ट शिल्पे, काचकाम, अभिनय करणे, वादन, नृत्य करणे, व्यक्तिमत्त्व विकास, संवाद, कौशल्य विकसित करणे किंवा यासारख्या अनेक गोष्टी शिकण्यासारख्या असतात.

3) *अंदाज जाणून घ्या* : नवीन गोष्टी शिकत असताना त्याबाबत सविस्तर माहिती काढा. उदा. त्या विषयात प्रावीण्य असलेल्या व्यक्तीकडून मार्गदर्शन घ्या. नवीन गोष्टी शिकण्यासाठी लागणारा कालावधी, पैसा किती खर्च येणार त्याचा अंदाज घ्या. शिका, पण वेळ वाया घालवू नका. या सुट्टीचा फायदा घेऊन स्वतःचे आत्मपरीक्षण करा. आपण आपला स्वअभ्यास करीत असताना तुम्हाला तुमच्या आवडीच्या विषयातील करीयरची माहिती मिळवणे गरजेचे आहे.

4) *करिअर शॉर्ट लिस्ट करा* : ज्यामध्ये तुम्हाला करीअर करता येईल अशा 10 विद्याशाखांची यादी तयार करा. यादी तयार झाल्यावर त्यातून आणखी शॉर्ट लिस्ट करीत करीअरचे तीन पर्याय निवडा. तुम्ही शॉर्ट लिस्ट तयार केलेल्या करीअरच्या बाबतीत अधिक माहिती मिळविण्यास सुरुवात करा. हे करीत असताना त्या क्षेत्रात कोणते अभ्यासक्रम आवश्यक आहेत, हे अभ्यासक्रम कोणकोणत्या महाविद्यालयांत किंवा विद्यापीठांत उपलब्ध आहेत याची माहिती मिळवा.

5) *योग्य मार्गदर्शन शोधा* : ही माहिती मिळवल्यानंतर त्या क्षेत्रात काम करणाऱ्यांच्या भेटी घेऊन प्रत्यक्ष ते काम करीत असताना कोणकोणत्या अडचणींना सामोरे जावे लागते याचीही माहिती घ्या आणि त्यानंतर तुम्ही करीअर निवडीचा योग्य निर्णय घ्या.

केवळ एखाद्या क्षेत्राला समाजात चांगली पत आहे म्हणून त्या क्षेत्रात करीअर करण्याचा निर्णय घेऊ नका. करीअर निवडताना तुमची आवड व क्षमता महत्त्वाची ठरते. यासाठी प्रथम स्वतःची बौद्धिक क्षमता, अभिरुची, अभियोग्यता, स्वभाव वैशिष्ट्ये, शारीरिक व मानसिक कुवत जाणून घ्या.

6) *समुपदेशकाची मदत घ्या* : योग्य रस्ता सापडत नाही असे वाटत असेल तर समुपदेशकाची मदत घ्या. परीक्षांचा अभ्यास करायचा असेल तर कोणत्या परीक्षा भावी आयुष्यात देणार आहात, त्याचे स्वरूप काय असेल त्यावर विचार करा. आपले ध्येय काय आहे त्यानुसार पुढचा मार्ग निवडा.